Iki agram kategoriýasynda UFC-niň öňki çempiony Konor Makgregor Kriştianu Ronaldunyň 2024-nji ýylyň futbol boýunça Ýewropa çempionatynyň iň gowy bombardiri boljakdygyna ynam bildirip, €60 müň goýdy. Bu barada söweşiji X sosial ulgamynda habar berip, bukmeker programmasyndan ekran suratyny ýerleşdirdi.
Ronaldu ýeňiş gazanan ýagdaýynda Makgregor €900 müň alar, onuň arassa utuşy bolsa €840 müň bolar.
Irlandiýaly türgen pul goýumyny 14-nji iýunda, ýaryşyň başlanmagynyň öňüsyrasynda amala aşyrdy.
Ýewro-2024-üň toparlaýyn tapgyrynyň birinji oýnunda Portugaliýanyň milli ýygyndysy esasy düzümde Ronaldu bilen Çehiýanyň toparyny 2:1 hasabynda utdy. Bu oýunda Ronaldu gol bilen tapawutlanmady.
Belläp geçsek, portugaliýaly hüjümçi taryhda alty Ýewropa çempionatynda oýnan ilkinji futbolçy boldy.
