105 ýaşly amerikaly aýal Stenfordda magistr derejesini aldy

  • 20.06.2024 19:11
  • 12k+

105 ýaşly Wirjiniýa Hislop Stenford uniwersitetinde okuwa başlanyndan 83 ýyl soň magistr derejesini aldy. Bu barada NBC News habar berýär.

Hislop 1936-njy ýylda Stenford uniwersitetine okuwa girdi we bakalawr derejesini aldy. Ol ýyllyk işini tamamlady we magistr derejesini almak üçin öz dissertasiýasynyň gutarnykly görnüşini tabşyrmalydy. Munuň deregine ol Oklahoma asal aýyna gidýär. 1941-nji ýylda ABŞ Ikinji jahan urşuna girenden soň, ol ýoldaşyna harby gulluga çagyryşa taýýarlanmaga kömek edýär.
Uruşdan soň Hislop ýoldaşy bilen Waşington ştatyna gelýär. Adamsy maldarçylyk bilen meşgullanýar, aýal bolsa özüni bilim pudagynda jemgyýetçilik işlerine bagyşlaýar. Mysal üçin, 2018-nji ýylda Hislop Bounty of the Valley stipendiýa agşamlygyny guraýar, bu hem talyplaryň okuwy üçin tas 6 mln dollar ýygnaýar.
83 ýyldan soň 105 ýaşly aýal Stenforda gaýdyp geldi. Hislopa magistr diplomyny Ýokary bilim mekdebiniň dekany Deniel Şwarsyň özi gowşurdy.


23.10.2025 18:09
17k+

Nýu-Ýorkda “millionerleriň köçesinde” 102 gatly bina ýumrulyp başlady

Ýakynda Nýu-Ýorkdaky Park-awenýuda gurlan 102 gatly ýaşaýyş jaýy ýumrulmak howpunyň astynda düşdi. The New York Times-yň maglumatlaryna görä, munuň güman edilýän sebäbi gurluşykda ulanylan betonyň düzüminiň üýtgedilmegi boldy...

14.10.2025 20:31
4.6k+

Amazon MGM Studios Melaniýa Tramp hakynda film taýýarlaýar

Amazon MGM Studios ABŞ-nyň birinji hanymy Melaniýa Tramp hakynda dokumental film taýýarlaýar diýip, Variety habar berýär. Filmiň çykjak senesi 2026-njy ýylyň 30-njy ýanwaryna meýilleşdirilýär. Filme “Dykyn wagty” («Час пик») atly gülküli boýewik bilen tanalýan režissýor Brett Ratner ýolbaşçylyk eder...

14.10.2025 13:11
8.3k+

Tehasda awtomobil ululygynda NASA-nyň enjamy gondy

Tehas amerikan ştatynda meýdana awtomobil ululygynda NASA-nyň abzally kosmos enjamy gondy. Ýerli ýaşaýjy Enn Uolter, takmynan, 10 metr diametrli paraşýutda ýuwaşlyk bilen aşak düşýän obýekti gördi diýip, ABC News habar berýär...

29.09.2025 14:43
8.5k+

«Ofis» teleserialynyň ýyldyzlary «Kim millioner bolmak isleýär?» gepleşiginde 1 mln dollar utdular

Meşhur «Ofis» sitkomynyň aktýorlary Keýt Flenneri we Oskar Nunýes «Kim millioner bolmak isleýär?» amerikan telegepleşiginde baş baýragy, ýagny 1 million dollar gazandylar. Olar bu puly haýyr-sahawat gaznalaryna ugratmagy meýilleşdirýärler...