1999-njy ýylyň 19-njy iýunynda Half-Life oýny üçin täzeleýiş çykdy. Netijede, 25 ýylyň içinde Counter-Strike şuteri özboluşly taslama we tutuş dünýäde millionlarça muşdagy jemlän kibersport hadysasyna öwrüldi.
Bary-ýogy birnäçe hepdäniň içinde döredilen Counter-Strike-yň ilkinji beta-wersiýasy gaty diskde bary-ýogy 8 MB ýer tutdy. Ol 10 görnüşli ýaragy we 4 kartany (cs_siege, cs_mansion, cs_wpndepot и cs_prison) öz içine alyp, oýunçylara ýeke-täk režimi – zamun saklanýan adamlary halas etmekligi hödürleýärdi.
2000-nji ýylyň noýabr aýynda oýun Counter-Strike 1.0 ady bilen çykdy, 2003-nji ýylyň sentýabr aýynda bolsa Counter-Strike 1.6 wersiýasy peýda boldy.
2012-nji ýylda franşiza üçin täze döwri alamatlandyrýan Counter-Strike: Global Offensive çykaryldy. 2023-nji ýylda bolsa oýun älemini giňeltmegi dowam etdirýän doly derejeli täze bölüm Counter-Strike 2 çykdy.
Häzirki günde professional oýunçylar abraýly ýaryşlarda millionlarça dollar baýrak ugrunda bäsleşýärler. Counter-Strike dünýäde iň meşhur oýunlaryň biri bolmagynda galýar. Her gün 1 milliondan gowrak geýmer bu oýny onlaýn oýnaýar, rekord bolsa 1,8 milliondan gowrak görkezijide hasaba alyndy, bu hem oýny Steam-de iň meşhur oýunlaryň reýtinginde üçünji orunda goýýar (ondan öňde PUBG we Palworld bar).
25 ýylyň dowamynda Counter-Strike köp üýtgeşmeleri başdan geçirdi, ýöne öz esasy konsepsiýasyna – iki toparyň: terrorçylar bilen ýörite harby toparyň arasyndaky dartgynly gapma-garşylyga wepaly bolup galdy.
