Hytaý startapy bolan Sneaki Design islendik häzirki zaman smartfonyny professional kamera öwürmäge ukyply aksessuar bolan - SwitchLens-i hödürledi. Bu barada New Atlas neşiri ýazdy.
Enjam ýokary takyk suratlary (5592 x 3710 piksele çenli) we sekuntda 4K / 60 kadr wideo düşürmäge mümkinçilik berýän Micro Four Thirds (M43) obýektiwi we 1 dýuýmly Sony Type 1 sensoryny ulanýar.
SwitchLens MagSafe magniti ýa-da Qi2 simsiz zarýad beriş tehnologiýasy arkaly smartfonyň arka tarapyna dakylýar, şeýle hem magnit halkasy bolan daşlykda gurnalyp bilner. Enjam Wi-Fi arkaly SwitchLens-e birikdirilýän programma arkaly dolandyrylýar.
Programma ISO, çydamlylyk, ak reňkiň balansy we ş.m. surata alyş parametrlerini sazlamaga we şol bir wagtyň özünde 1,5 TB çenli SD karta, telefonyňyza ýa-da ikisine birlikde suratlary ýazga almaga mümkinçilik berýär.
SwitchLens-i Kickstarter-de her korpusyna 199 dollardan öňünden sargyt edip bolýar. Linza aýratyn satyn alynýar. Üç linzanyň toplumy 346 dollar.
