ABŞ-nyň Newada ştatynyň daglyk ýerinde Las-Wegasyň polisiýa bölüminiň işgärleri geň aýna sütüniniň üstünden bardylar. 2024-nji ýylyň mart aýynda Uelsde hem şuňa meňzeş bir obýektiň tapylandygy habar berlipdi diýip, Naked Science habar berýär.
Sütün Stenli Kubrikiň “2001-nji ýyl: kosmiki odisseýa” ylmy-hyýaly filmindäki gara monolite meňzeýär. 2020-nji ýyldan bäri şuňa meňzeş obýektler Ýuta, Kaliforniýa, Nýu-Mehiko we hatda Rumyniýa ýaly dürli ýerlerden tapyldy.
Häzirlikçe bu obýektleriň tebigaty belli däl. Olar, çak bilen, sungat gurnamalary hasaplanýar, ýöne gelip çykyşy entek kesgitlenmedi.
