Ýewro-2024: Türkiýe Gruziýany, Portugaliýa Çehiýany ýeňdi

  • 19.06.2024 10:58
  • 10k+

Ýewro-2024-üň toparlaýyn tapgyrynyň birinji oýnunda Türkiýäniň milli ýygyndysy 3:1 hasap bilen Gruziýadan üstün çykdy. Duşuşyk Dortmunda geçirildi.

Türkler Mert Mýulduryň urgusy bilen 25 minutda hasaby açdylar. 32-nji minutda Georgiý Koçoraşwili Gruziýanyň Ýewropa çempionatyndaky ilkinji goluny geçirip, hasaby deňledi.
65-nji minutda "Realyň" 19 ýaşly ýarymgoragçysy Arda Güler jerime meýdançasynyň daşyndan dürs urgusy bilen toparyny öňe çykardy.
Gutarnykly hasap oýnuň soňky minutynda goýuldy. Gruzinler türkleriň derwezesine topar bolup hüjüm etdiler, jerime meýdançasyna hatda olaryň derwezebany Mamardaşwili hem geldi. Emma hüjümiň dowamynda Türkiýeden Kerem Aktürkogly ýeke özi boş derwezä tarap hüjüm etmäge mümkinçilik alyp, gol geçirdi.

F toparyň beýleki duşuşygynda Portugaliýa 2:1 hasap bilen Çehiýadan üstün çykdy. Duşuşyk Leýpsigde güýçli ýagşyň astynda geçdi.
Çehler Lukaş Prowodyň urgusy bilen 62-nji minutda hasaby açsalar-da, artykmaçlygyny saklap bilmediler. 69-njy minutda Çehiýadan Robin Granaç topy öz derwezesine gönükdirdi.  Fransişku Konseýsau bolsa ikinji ýaryma goşmaça goşulan ikinji minutda ýeňiş goluny geçirdi.
Netijede Türkiýe we Portugaliýa F toparda birinji orny eýelediler. Indiki tapgyrda Dortmundda bu toparlaryň duşuşygy geçiriler. Gruziýa bolsa Leýpsigde Çehiýa bilen duşuşar. Duşuşyklaryň ikisi hem 22-nji iýunda geçiriler.


düýn 19:46
2.9k+

FIFA we Saud Arabystany ösýän ýurtlara 1 mlrd dollara çenli ýeňillikli karz berer

Halkara futbol federasiýasy (FIFA) Saud ösüş gaznasy (SFD) bilen Ähtnama gol çekdi. Onuň çäklerinde ösüp barýan ýurtlara 1 mlrd dollara çenli ýeňillikli karz berler. Serişdeler stadionlaryň hem-de töweregindäki infrastrukturanyň gurluşygyna we durkuny täzelemek işlerine gönükdiriler diýip, FIFA-nyň resmi saýtyndaky habarda aýdylýar...

düýn 09:22
6.9k+

Ronaldu Milletler ligasyndaky ýeňiş üçin milli ýygyndydaky ýoldaşlaryna ýörite sagat sowgat etdi

Portugaliýanyň milli ýygyndysynyň kapitany Kriştianu Ronaldu UEFA-nyň Milletler ligasynda gazanylan ýeňiş mynasybetli tutuş topar üçin ýörite Jacob&Co sagatlaryny sargyt etdi. Bu barada SIC Noticias habar berýär...

28.11.2025 23:17
4.7k+

Ýewropa ligasynyň we Konferensiýa ligasynyň tapgyrynyň netijeleri

Penşenbe güni agşam we anna gününe geçilen gije Ýewropa ligasynyň bäşinji tapgyrynyň we Konferensiýa ligasynyň dördünji tapgyrynyň oýunlary geçirildi. Ýewropa ligasynyň ýaryş jedwelinde fransuz «Liony» birinji orny eýeledi...

27.11.2025 12:45
10k+

Çempionlar ligasy: “Arsenal” “Bawariýany” utdy, Mbappe poker etdi we beýleki garaşylmadyk netijeler

UEFA-nyň Çempionlar ligasynyň bäşinji tapgyrynyň jemleýji oýunlary ýokary netijeliligi görkezdi – oýun gününiň dokuz oýnunda futbolçylar jemi 42 gol geçirdi. Tapgyryň merkezi oýnunda “Arsenal” Mýunheniň “Bawariýasyny” 3:1 hasabynda utdy...