Lego ulular üçin niýetlenen Lamborghini Countach superkarynyň täze modelini Icons çylşyrymly gurluşyk toplumlarynyň hatarynda hödürledi.
Meşhur kupeniň jikme-jik nusgasy 4-nji iýuldan satuwda peýda bolar, bahasy – 179,99 dollar.
Lego model üçin 1985-nji ýylda çykan Countach 5000 Quattrovalvole modifikasiýasyny saýlady. Nusga ozalky wersiýasy bolan LP500 S-den has uly V12 hereketlendirijisi we her silindr üçin dört klapan bilen tapawutlandy.
Lego-nyň Lamborghini Countach modeliniň uzynlygy 34 santimetr, ini 16 santimetr we beýikligi 9 santimetr. Ol aşagynda V12 iň kiçi görnüşi bolan hereketlendiriji bölüminiň gapagy ýokaryk galýan “gaýçy” gapylary we funksional rul dolandyryjysy bilen enjamlaşdyrylandyr. Kuzowy ak, iç ýüzi bolsa gyzyl reňkdedir. Toplumda 1506 bölek bar.
