Xiaomi Hytaýda kämilleşdirilen aýratynlyklar we ýokary tizlikli zarýad beriş bilen öz subbrendiniň täze Redmi K80 Pro flagman smartfonyny resmi taýdan hödürledi. Model Snapdragon 8 Elite çibi, kuwwatly batareýa we ösen kamera bilen üpjün edildi.
Esasy aýratynlyklary:
- ·Ekran: 6,67 dýuým OLED paneli TCL M9, durulygy 3200 x 1440, täzelenme ýygylygy 120 Gs çenli, iň ýokary ýagtylygy 3200 nit.
- ·Prosessor: 3-nm Snapdragon 8 Elite çibi, ýokary energiýa tygşytlylygy we 45% ýokarlandyrylan öndürijilik.
- ·Ýat: LPDDR5X, UFS 4.0 saklaýjysy.
- ·Kameralar: 50 Mp esasy, 32 Mp ultra giňburçly, 50 Mp teleobýektiw, 20 Mp frontal.
- ·Akkumulýator: 6000 mA/sag, 120 Wt simli we 50 Wt simsiz zarýad beriş.
- ·Gorag: suwdan we tozandan IP68 standarty boýunça.
- ·Beýlekiler: Xiaomi Qingshan Eye Care 2.0 tehnologiýasy göze düşýän agramy azaldýar. Ekranyň aşagynda ultrasesli barmak yzynyň skaneri oturdyldy. Redmi K80 Pro Snow Rock White (ak), Mountain Green (ýaşyl) и Midnight Black (gara) reňklerde hödürlenýär.
Bahalar:
- ·12 GB RAM / 256 GB: 3699 ýuan ($511)
- ·12 GB RAM / 512 GB: 3999 ýuan ($553)
- ·16 GB RAM / 512 GB: 4299 ýuan ($594)
- ·16 GB RAM / 1 TB: 4799 ýuan ($663)
Smartfon hataryna Automobili Lamborghini Squadra Corse bilen hyzmatdaşlykda döredilen Redmi K80 Pro Champion Edition modeli hem girdi. Adaty K80 Pro-dan täze model yzky paneliň Lamborghini logotipli dizaýny bilen tapawutlanýar.
Ýörite wersiýa Lamborghini Huracan GT3 EVO2 superkaryndan ruhlandy. Muny “awtomobiliň ýaryş DNK-syny görkezýän” yzky paneldäki Y şekilli çyzyklardan görmek bolýar.
Toplumda aksessuarlar hem hödürlenýär: zarýad beriji gurluş, maglumatlary geçirmek üçin kabel, galkan şekilinde SIM-karty çykarmak üçin gural, gorag daşlygy we ulanyjy gollanmasy. Telefonda “onuň premium we eksklýuziw özüne çekijiligini nygtaýan” temalar we oboýlar hem gurnaldy.
Model diňe 16 GB RAM we 1 TB ýat bilen hödürlenýär. Champion Edition smartfonynyň bahasy 4999 ýuana ($691) barabar.
