Martin Skorsezeniň «Uoll-stritiň möjegi» filminde peýdalanylan «Lamborghini Countach 25th Anniversary edition» kysymly awtoulag «RM Sotheby's» auksionynda satylar. Bu barada gazeta.ru Hypebeast saýtyna salgylanyp habar berýär.
Çeşmede onuň bu sportkaryň saklanyp galan ýeke-täk nusgasydygy bellenilýär. Ikinji ulag Leonardo DiKaprionyň keşbini janlandyran baş gahrymany Jordan Belfortyň klubdan öýüne dolanyp gelýän sahnasyny surata düşürmek üçin döwülipdir. Awtoulagyň iki million dollara satylmagyna garaşylýar.
«Uoll-stritiň möjegi» filmi 2013-nji ýylda ýaýlyma berildi. Martin Skorsezeniň filminde baş keşpleri Leonardo DiKaprio we Margo Robbi janlandyrýarlar. Onda nýu-ýorkly broker Jordan Belfortyň pul ogurlamak boýunça jenaýatçylykly işler beýan edilýär. Bu film bäş ugurda «Oskar» baýragyna hödürlendi.
