SBX Cars onlaýn auksionynda dünýäde bar bolan dokuz sany Lamborghini Veneno-nyň biri 6 mln dollara satyldy, bu hem onlaýn satylan awtoulagyň bahasy boýunça rekord boldy. Bu barada CarScoops neşiri habar berýär.
Bellemeli ýeri, giperkary diňe dördünji synanyşykda we ilkibaşda meýilleşdirilenden has pes baha satmak başartdy.
2013-nji ýylda hödürlenen Lamborghini Veneno 13 ekzemplýar tiraž bilen çykaryldy – dört kupe we dokuz rodster. Doly herekete getiriji sistemaly sportkar kuwwaty 552 kWt (750 at güýji) bolan 6,5 litrlik L539 V12 hereketlendirijisi bilen üpjün edildi. Lamborghini Veneno 2,8 sekuntda tizligini sagatda 100 km çenli artdyrýar, onuň iň ýokary tizligi bolsa sagatda 355 km barabar.
Lamborghini-niň täze Veneno-synyň asyl bahasy 4 mln dollar, 2014-nji ýylda peýda bolan Veneno Roadster bolsa 3,3 mln ýewro satyldy. SBX Cars-da satylan nusga ilkibaşda Dubaýdaky VIP Motors salonynda 9,5 mln dollar baha bilen goýuldy, ýöne iki ýylyň dowamynda alyjy tapylmady. 2020-nji ýylda RM Sotheby’s auksionynda hem satuw şowsuz boldy, ol ýerde garaşylýan baha 4,5 – 5,5 mln ýewrody. Ahyrynda, maý aýynda Lamborghini Veneno SBX Cars platformasyna çykdy, ýöne söwda ýene şowsuz tamamlandy. Diňe dördünji synanyşykda, bahany arzanlatmak bilen, awtomobili satmak başartdy.
