Lamborghini Urus krossoweriniň elektrik çekişine geçmegi azyndan 2035-nji ýyla çenli yza süýşürilýär. Bu barada kompaniýanyň başlygy Stefan Winkelmann Autoсar-a beren interwýusynda habar berdi. Meýilnamalaryň täzeden gözden geçirilmeginiň awtoulag bazaryndaky näbellilik sebäpli ýüze çykandygyny mälim etdi.
Lamborghini öň Urus modelini häzirki onýyllygyň ahyryna çenli elektrik platformasyna geçirmegi meýilleşdirýärdi. Emma, Winkelmanyň sözlerine görä, krossoweriň indiki nesli hem gibrid bolmagynda galar. Täzelenen wersiýanyň 2029-njy ýyla ýakyn çykmagyna garaşylýar.
Brendiň ýolbaşçysynyň belleýşi ýaly, täze strategiýa barada müşderilere eýýäm habar berildi we ol höwes bilen kabul edildi. Şeýle hem, ol 2035-nji ýyldan başlap Ýewropa Bileleşigi tarapyndan ähli täze awtoulaglaryň zyňyndysyz bolmagynyň talap ediljekdigini we diňe şol senede, eger häzirki düzgünler üýtgemese, Urus-yň içinden ýandyrylýan hereketlendirijisini doly aýyrjakdygyny ýatlatdy.
Mundan başga-da, kompaniýa 2029-njy ýylda Lanzador düşünjesine esaslanýan ilkinji önümçilik elektrik awtoulagyny hödürlemegi meýilleşdirýärdi. Şeýle-de bolsa, Winkelmanyň sözlerine görä, häzirki bazaryň ýagdaýy bu möhletlere täsirini ýetirip biler. Jemleýji karar goşmaça seljermeden soň geljek ýylyň başynda kabul ediler.
