Ýarym ýeňil we ýeňil agramda UFC-niň öňki çempiony Konor Makgregor (22-6) bilen amerikaly Maýkl Çendleriň (23-8) arasyndaky söweş resmi taýdan ýatyryldy. Bu barada UFC-niň başlygy Dana Uaýt sosial ulgamlarda habar berdi.
Söweş 29-njy iýunda Las-Wegasda geçiriljek UFC 303 ýaryşyna meýilleşdirilipdi.
Indi Makregor – Çendler tutluşygynyň deregine ýarym agyr agramda dünýä çempiony ady ugrunda titulyň häzirki we öňki eýeleri – braziliýaly Aleks Pereýra (10-2) bilen çehiýaly Irži Prohazkanyň (30-4-1) arasynda rewanş söweşi geçiriler.
Makgregor 2021-nji ýylyň iýul aýyndan bäri oktagona çykmady. Soňky gezek ol UFC 264-de Dastin Porýeden (30-9) tehniki nokaut bilen ýeňildi.
Çendler hem soňky söweşinde Porýeden ýeňildi (demikdiriji usul arkaly), bu söweş geçen ýylyň noýabr aýynda UFC 281-de boldy.
Pereýra soňky gezek 13-nji aprelde Las-Wegasda geçirilen UFC 300-de söweşdi. Onuň garşydaşy Jamal Hill boldy, ony birinji raundda nokauta gidirdi. Şol ýaryşda Prohazka serbiýaly Aleksandar Rakiç bilen duşuşdy. Söweş Prohazkanyň ikinji raundda tehniki nokaut arkaly ýeňmegi bilen tamamlandy.
