Adobe kompaniýasy programmalarynda ulanyjylar tarapyndan döredilen mazmuna girmäge hukuk berýän maddany goşmak üçin hyzmat şertlerini täzeledi.
Täze düzgünlere laýyklykda, Adobe ulanyjy mazmunyna awtomatiki we mehaniki usul bilen girip, ony maşyn öwreniş arkaly analiz edip biler. Bu diýildigi, kompaniýanyň öz programma üpjünçiliginde döredilen ýa-da redaktirlenen islendik materiallara, şol sanda şahsy maglumatlara hakykatdanam girip biljekdigini aňladýar.
Ulanyjylar bu şertlerden ýüz öwrüp bilmeýärler, sebäbi olar Adobe programma üpjünçiligini ulanmagyň hökmany şertleridir. Mundan başga-da, täzelenmeden soň, täze düzgünlere razy bolmazdan programmany bozup bolmaýar.
Ulanyjylaryň arasynda närazylyk ýüze çykandan soň, Substance 3D ekosistemasynyň önüm müdiri Jeremi Noger çykyş etdi. Ol Adobe-iň Substance ulanyjylarynyň taslamalaryna girip bilmeýändigini, olary hiç hili görnüşde okamaýandygyny we munuň üçin serişdesiniň ýokdugyny nygtady. Şeýle-de bolsa, onuň teswiri ulanyjy şertnamasynyň tekstine ters gelýär diýip, IXBT habar berýär.
