Dünýäniň iň beýik binasynyň - Dubaýdaky Burj-Halifanyň taslamasyny taýýarlan Skidmore, Owings & Merrill (SOM) kompaniýasy 1 km beýiklikdäki özboluşly gökdirän binalary döretmek üçin Energy Vault Holdings bilen hyzmatdaşlyk eder diýip, New Atlas ýazýar.
Bu binalar diňe bir öz adaty niýetlenen maksady üçin ulanylman, eýsem ägirt uly energiýa saklaýyş ulgamynyň hyzmatyny hem ýerine ýetirmegine garaşylýar.
Iki esasy düşünje teklip edilýär:
- EVu ulgamy: artykmaç energiýasyny gökdirän binanyň ýokarsyna agyr ýüki göterip çykarmak üçin sarp edýär. Zerur bolanda ýük aşak goýberilip, agyrlyk güýjüniň hasabyna elektrik energiýasy öndürilýär.
- EVc ulgamy: ol hem şuňa meňzeş ýörelgede işleýär, ýöne ýüküň ýerine suw ulanýar, ony ýokary sorup, soňra turbinalary aýlamak üçin aşak taşlaýar.
"Bu desgalar diňe bir binanyň däl, eýsem goňşy binalaryň hem energiýa zerurlyklaryny kanagatlandyrmak üçin birnäçe GWt dartyş güýji görnüşindäki energiýany toplap biler" – diýip, SOM-yň we Energy Vault Holdings-yň metbugat beýanatynda aýdylýar.
Iki ulgam hem energiýany gidroakkumulirlemekligiň subut edilen ýörelgelerine esaslanýar, ýöne olaryň gökdirän binalara ornaşdyrylmagy ep-esli inženerçilik kynçylygyny döredýär. Desganyň agramy, netijeliligi we tehniki hyzmaty bilen baglanyşykly meseleler çözülmelidir.
Kynçylyklara garamazdan, SOM we Energy Vault Holdings taslamasy energiýany saklamak we durnukly ösüş pudagynda öwrülişikli ädim bolup biler.
