Canalys analitik kompaniýasynyň hasabatyna laýyklykda, Apple gymmat smartfonlaryň bazarynda onuň 60%-ini eýeläp, lider bolmagynda galýar. Samsung bazaryň 25%-ini eýelemek bilen ikinji, Huawei bolsa 6% bilen üçünji ýerde ýerleşýär.
Apple hytaý bazarynda hem liderligini saklap gelýär. Hytaýda onuň bazar paýy 54%, ondan soňra Huawei (26%) we Xiaomi (6%).
Canalys-iň çaklamagyna görä, 2024-nji ýylda bazara 1,18 milliard smartfon ýerlener. 2028-nji ýylda gymmat smartfonlaryň 86%-i 5G aragatnaşyk ulgamyny goldar diýip, bilermenler belleýär.
