Koreýa Respublikasynyň Prezidentiniň saparynyň ikinji gününiň çäklerinde türkmen halkynyň Milli Lideri Gurbanguly Berdimuhamedowyň maşgalasy Ogulgerek Berdimuhamedowa dostlukly ýurduň baştutanynyň maşgalasy Kim Kon-Hi bilen türkmen halkynyň medeni mirasyna bagyşlanylan sergini synladylar.
Bu sergi myhmany türkmen halkynyň ruhy medeniýeti we däp-dessurlary bilen tanyşdyryp, amaly-haşam sungatynyň eserlerini hem-de muzeý gymmatlyklaryny-da özünde jemledi.
Ogulgerek Berdimuhamedowa koreýaly myhmana halylaryň aýratynlyklary hem-de olaryň türkmen halkynyň durmuşynda eýeleýän uly orny barada gürrüň berdi.
Şeýle hem bu ýerde Koreýa Respublikasynyň Prezidentiniň maşgalasy Kim Kon-Hi türkmen Modalar öýüniň zenan lybaslarynyň görkezilişini synlady.
Şeýle hem bu ýerde Ogulgerek Berdimuhamedowa koreýaly myhman zenana ýüpekden dokalan halyny ýadygärlik sowgat berdi.
Şu pursatda türkmen halkynyň Milli Lideri Gurbanguly Berdimuhamedow we Koreýa Respublikasynyň Prezidenti Ýun Sok Ýol ikitaraplaýyn duşuşyklaryny tamamlap, öz maşgalalarynyň ýanyna goşuldylar hem-de bu ýerdäki uly suraty synladylar. Onda halkymyzyň buýsanjy we guwanjy türkmen ahalteke bedewiniň hem-de türkmen alabaýynyň keşbi ussatlyk bilen şekillendirilipdir.
Gurbanguly Berdimuhamedow ahalteke bedewi hem-de türkmen alabaýy barada gürrüň berip, olaryň türkmen halkynyň milli gymmatlygydygyny we buýsanjydygyny aýtdy.
