Hytaý bazarynda dokuzynjy nesil iň kuwwatly Toyota Camry hödürlendi. Sedan 2,5 litrlik hereketlendirijiniň esasynda 3,5 litrlik hereketlendirijiniň ornuny tutjak gibrid güýç gurluşyny aldy diýip, Autohome ýazýar.
Ulgamyň umumy kuwwaty 230 at güýji, bu 2,0 litrlik gibrid Camry-den 32,5 at güýji köp.
Mundan başga-da, awtoulag indi has tygşytly. WLTC usuly bilen ölçenende ýangyç sarp edişi bary-ýogy 4,55 l / 100 km, bu bolsa 2,0 litrlik wersiýanyň görkezijisi bilen deňdir.
Täze önümiň daşky bezeginde-de birnäçe aýratynlyk bar. Sedanyň iň ýokary bezegli görnüşi şu aşakdakylar bilen enjamlaşdyrylan:
- Üçegi panoramly;
- Yzky penjiresi elektrik perdeli;
- Desti gyzdyryjyly;
- Yzky tirseklikde howa-gözegçiligi dolandyryş düwmesi bar;
- Sürüjiniň oturgyjy 10 basgançakly elektrik sazlaýjyly;
- Üç zolakly howa-gözegçilikli;
- 10 howa ýassygy;
- Ýagtylygy ýakyndan uzaga awtomatiki geçirişli;
- TSS 3.0 howpsuzlyk ulgamy toplumy.
Hytaýda täze Camry-niň bahasy 30,3-35,9 müň dollar aralygynda üç sany bezeg derejesinde hödürlenýär.
