Toyota we Mazda maglumatlaryň galplaşdyrylmagy sebäpli bäş modeliniň önümçiligini togtatdy

  • 07.06.2024 14:01
  • 14k+

Toyota we Mazda kompaniýalary Ýaponiýanyň Ýer, infrastruktura, ulag we syýahatçylyk ministrliginiň çözgüdi esasynda 6-njy iýundan bäş modeliň önümçiligini togtatdylar. Edara kompaniýalar tarapyndan awtoulaglaryň synag netijeleri baradaky maglumatlaryň galplaşdyrylmagynyň üstüni açdy diýip, IXBT habar berýär.

Şeýlelikde, Toyota kompaniýasy Corolla Fielder, Corolla Axio we Yaris Cross modelleriniň önümçiligini 28-nji iýuna çenli togtadar. Mazda hem Roadster RF we MAZDA2 modellerini çykarmagyny togtatdy, ýöne önümçiligiň gaýtadan başlanjak senesini heniz aýtmady. Iki kompaniýanyň-da beýleki modelleri adaty ýagdaýda öndürilmegini dowam etdirer.
Geçen maliýe ýylynda Toyota-nyň ýokarda agzalan üç modeliniň umumy önümçiligi, takmynan, 130 000 awtoulag boldy, Mazda-nyň iki modeliniň önümçilik möçberi bolsa, takmynan, 15 000 birlik boldy. Önümçiligiň togtadylmagy iki kompaniýanyň hem görkezijilerine ýaramaz täsir edip biler.
Toyota, Honda we Mazda kompaniýalarynyň ýolbaşçylary bu waka sebäpli ötünç soramak üçin metbugat maslahatyny geçirdiler. Toyota Group-yň prezidenti Akio Toýoda metbugat maslahatynda şeýle diýdi: “Galplyk – şahadatnama ulgamyny gowşadýan esasy mesele we awtomobil öndürijileri muny hiç haçan etmeli däldir. Toyota Group-yň ýolbaşçysy hökmünde men çyn ýürekden ötünç soraýaryn”.
Mazda-nyň prezidenti Kasuhiro Moro hem metbugat maslahatynda şeýle diýdi: “Men Mazda awtomobillerini ulanýan müşderileri birahat edýändigim üçin özümi günäkär duýýaryn. Men öz borçlaryma has jogapkärli çemeleşerin”.
Belläp geçsek, maglumatlary galplaşdyran kompaniýalaryň arasynda Toyota we Mazda-dan başga-da, Yamaha Engine, Honda Giken Industries we Suzuki bar.


düýn 12:01
4.8k+

Toyota Corolla-nyň iň ekstremal görnüşini taýýarlaýar: täze superhetçbegiň suratlary

Toyota GR Corolla hot-hetçiň has ekstremal görnüşini taýýarlaýar. Onlaýn görnüşde, megerem, dilerler üçin ýapyk görkezilişde ýazga alnan görkezme nusgasynyň suratlary we wideolary peýda boldy diýip, Carscoops habar berýär...

düýn 11:52
2.6k+

Toyota bZ7-ni görkezdi: Huawei-iň , Xiaomi-niň we Momenta-nyň tehnologiýalaryny alan, Camry-den uzyn sedan

Toyota-GAC bileleşigi ýazda ilkinji gezek Şanhaý awtoulag sergisinde yglan edilen bZ7 elektrik sedanynyň resmi suratlaryny ýaýratdy. Şol bir wagtyň özünde modeliň ilkinji tehniki häsiýetnamasy yglan edildi. Satuwlar 2025-nji ýylyň ahyryna çenli başlamaly...

14.09.2025 20:22
2.2k+

Toyota aerodinamikany gowulandyrmak üçin GR Yaris-i Aero Performance bukjasy bilen üpjün etdi

Toyota kompaniýasy Ýaponiýada GR Yaris hetçbegi üçin Aero Performance bukjasyny hödürledi. Toplumy Toyota Gazoo Racing-iň hünärmenleri professional ýaryşa gatnaşyjylar bilen bilelikde işläp taýýarlady, ol modeliň aerodinamiki aýratynlyklaryny gowulandyrmaga gönükdirildi...

13.09.2025 14:55
5.8k+

Toyota dünýäde iň meşhur awtoulag öndürijisi. Aýry-aýry ýurtlar boýunça bu görkeziji nähilikä?

Toyota 2024-nji ýylda dünýäde iň meşhur awtoulag öndürijisi boldy. Kompaniýa ABŞ we Ýakyn Gündogar ýaly milli bazarlaryň aglabasynda birinji ýeri eýeledi. World Wide Mobility neşiri ýurt boýunça iň meşhur awtoulag öndürijileriniň kartasyny neşir etdi...