Toyota 2026-njy model ýylynyň täzelenen doly derejeli Sequoia wnedorožnigini görkezdi. Esasy wersiýasynyň bahasy 1600 dollar ýokarlandy we indi 64 025 dollar boldy. Munuň öwezine model has köp premial enjamlary aldy.
Esasy täzelik, indi adaty komplektasiýasyna girýän üçünji hatardaky oturgyçlaryň düwmäni basyp herekete getirilmegidir.
Limited wersiýasy emeli SofTex-iň ýerine hakyky derä geçdi. Ýokarky Capstone komplektasiýasy çal hoz agajyndan edilen we asyl keşdeli “slanes” reňkindäki täze interýeri aldy.
Tehniki häsiýetnamasy öňküligine galdy: 3,4 litrlik V6 hereketlendirijili we elektrik hereketlendirijili gibrid elektrik güýç gurluşy 437 at güýjüni we 790 Nm torky üpjün edýär. Ýangyjyň ortaça sarp edilişi 100 km üçin 10,7 litrdir.
TRD Pro komplektasiýasy üýtgeşik Wave Maker gök reňkini aldy we bahasy 80 765 dollardan başlaýar. Iň ýokary Capstone bezeg derejesiniň bahasy 84 435 dollar.
Täzelenen Sequoia premial rahatlygy nygtaýar, ýöne onuň bahasy lýuks brendleriňkä has ýakyn, bu bahasy bilen innowasiýanyň arasyndaky deňagramlylyk babatda müşderilerde sorag döredip biler.
