Nvidia Apple-den öňe geçip, dünýäde iň gymmat ikinji kompaniýa boldy

  • 07.06.2024 13:43
  • 3.9k+

Nvidia kompaniýasynyň paýnamalary rekord derejä çenli gymmatlap, emeli aňyň esasynda çip öndürijisiniň bazar bahasynyň 3 trln dollardan geçmegine mümkinçilik berdi. Netijede, Nvidia Apple-den öňe geçip, dünýäde bahasy boýunça ikinji orunda durýan kompaniýa boldy diýip, IXBT habar berýär.

Nvidia-nyň paýnamalary 5-nji iýunda 5,2% ýokarlanyp, 1224,40 dollara ýetdi, şol bir wagtyň özünde kompaniýanyň bahasy 3,012 trln dollar boldy. Apple-iň bazar bahasy soňky gezek paýnamalary 0,8% gymmatlanda, 3,003 trln dollar bolupdy.
Nvidia 7-nji iýundan başlap paýnamalaryny 10/1 gatnaşykda bölmäge taýýarlanýar, bu ädim onuň aýratyn maýadarlar üçin özüne çekijiligini ýokarlandyryp biler diýip, Reuters ýazýar.
Microsoft paýnamalary 1,9% ýokarlanandan soň, 3,15 trln dollar bazar bahasy bilen dünýäde iň gymmat kompaniýa bolup galdy. Ýöne Nvidia şeýle depgin bilen tiz wagtdan birinji orna-da geçip biler.


23.06.2025 13:46
3.5k+

Çeýe bolup bilmek: Apple eplenýän iPhone üçin displeýleri Samsung-dan alar

Apple 2026-njy ýylyň ahyryna çenli ilkinji eplenýän iPhone smartfonyny çykarmagy meýilleşdirýär. Smartfonlar üçin çeýe displeýler bilen üpjün ediji Samsung Display bolar diýip, analitik Ming-Çi Ko salgylanyp, CNBC habar berýär...

20.06.2025 17:35
2.8k+

Microsoft we Amazon kompaniýalarynyň işgärleri EA sebäpli köpçülikleýin işden çykarylar

Microsoft kompaniýasy emeli aň tehnologiýalaryna çykdajylaryň artmagy sebäpli müňlerçe iş ornuny azaltmagy meýilleşdirýär. EA-nyň ýaýramagy sebäpli işgärleri azaltmak barada Amazon kompaniýasy hem habar berdi. Bloomberg-iň çeşmelere salgylanyp ýazmagyna görä, Microsoft-da işden çykarmalaryň uly bölegi satuw bölümleriniň işgärlerine täsir eder...

19.06.2025 11:17
2.7k+

Diňe Samsung I çärýekde smartfon önümçiligini ösdürip bildi

TrendForce analitikleri 2025-nji ýylyň birinji çärýeginde Samsung kompaniýasynyň 64 mln smartfon çykarandygyny habar berdi – bu 2024-nji ýylyň degişli döwri bilen deňeşdirilende 21% köpdür. Bu hem kompaniýa smartfon öndürijileriniň arasynda öňdebaryjy orny eýelemäge mümkinçilik berdi...

17.06.2025 14:18
8.8k+

Tramp kriptowalýutadan we öz ady bolan harytlaryň satuwyndan millionlarça dollar gazandy

ABŞ-nyň Prezidenti Donald Tramp kriptowalýutadan 57 million dollardan gowrak we öz ady bolan dürli harytlaryň satuwyndan ýene-de millionlarça dollar gazandy. Bu barada Ak tam tarapyndan hödürlenen maliýe deklarasiýasyna salgylanyp, Reuters habar berýär...