Ispaniýada futbolçy Andres Inýestanyň heýkeli açyldy

  • 07.06.2024 13:33
  • 10k+

Ispaniýada futbol boýunça dünýä we Ýewropa çempiony Andres Inýestanyň heýkeli açyldy. Açylyş dabarasy ýarym goragçy üçin dogduk mekany Albasetede geçirildi diýip, RIA Nowosti habar berýär.

Inýesta 2010-njy ýylda Ispaniýanyň we Niderlandlaryň milli ýygyndylarynyň arasynda geçirilen dünýä çempionatynyň finalynda (1:0) topy depýän pursatynda şekillendirilen. Futbolçynyň 116-njy minutdaky goly milli topara dünýä birinjiliginde ilkinji ýeňşi getirdi.

“Maňa meniň aslymyň niredendigini we geçen ýolumy ýatladýan örän duýguly we aýratyn gün. Biziň ählimize degişli bolan futbolymyz üçin taryhy pursat” diýip, Inýesta X sosial ulgamynda ýazdy.

Inýesta Ispaniýanyň milli ýygyndysynyň futbolçysy hökmünde dünýä çempiony we Ýewropa çempionatynyň iki gezek ýeňijisi boldy.
2002 – 2018-nji ýyllarda ýarym goragçy “Barselonada” oýnap, topar bilen Ispaniýanyň dokuz gezek çempiony, Çempionlar ligasynyň dört gezek ýeňijisi boldy, alty gezek Ispaniýanyň Kubogyny gazandy. Soňra Inýesta “Wissel Kobe” ýapon klubuna geçdi. Häzir 40 ýaşly futbolçy BAE-den “Emireýtsde” oýnaýar.


düýn 19:46
4.2k+

FIFA we Saud Arabystany ösýän ýurtlara 1 mlrd dollara çenli ýeňillikli karz berer

Halkara futbol federasiýasy (FIFA) Saud ösüş gaznasy (SFD) bilen Ähtnama gol çekdi. Onuň çäklerinde ösüp barýan ýurtlara 1 mlrd dollara çenli ýeňillikli karz berler. Serişdeler stadionlaryň hem-de töweregindäki infrastrukturanyň gurluşygyna we durkuny täzelemek işlerine gönükdiriler diýip, FIFA-nyň resmi saýtyndaky habarda aýdylýar...

düýn 09:22
8.1k+

Ronaldu Milletler ligasyndaky ýeňiş üçin milli ýygyndydaky ýoldaşlaryna ýörite sagat sowgat etdi

Portugaliýanyň milli ýygyndysynyň kapitany Kriştianu Ronaldu UEFA-nyň Milletler ligasynda gazanylan ýeňiş mynasybetli tutuş topar üçin ýörite Jacob&Co sagatlaryny sargyt etdi. Bu barada SIC Noticias habar berýär...

28.11.2025 23:17
5.1k+

Ýewropa ligasynyň we Konferensiýa ligasynyň tapgyrynyň netijeleri

Penşenbe güni agşam we anna gününe geçilen gije Ýewropa ligasynyň bäşinji tapgyrynyň we Konferensiýa ligasynyň dördünji tapgyrynyň oýunlary geçirildi. Ýewropa ligasynyň ýaryş jedwelinde fransuz «Liony» birinji orny eýeledi...

27.11.2025 12:45
11k+

Çempionlar ligasy: “Arsenal” “Bawariýany” utdy, Mbappe poker etdi we beýleki garaşylmadyk netijeler

UEFA-nyň Çempionlar ligasynyň bäşinji tapgyrynyň jemleýji oýunlary ýokary netijeliligi görkezdi – oýun gününiň dokuz oýnunda futbolçylar jemi 42 gol geçirdi. Tapgyryň merkezi oýnunda “Arsenal” Mýunheniň “Bawariýasyny” 3:1 hasabynda utdy...