Fin alymlary tarapyndan geçirilen täze barlag itleriň ajaýyp ys duýgusynyň bardygyny, ysyň örän az konsentrasiýasyny kesgitlemäge ukyplydygyny görkezdi. Barlagyň dowamynda, haýwanlar 10 millilitr suwda 1 molekula seýreklenen ewkalipt gidrolaty bolan predmetleri tapyp bildiler diýip, Interesting Engineering ýazýar.
Deňeşdirmek üçin, bir hamyrmaýa öýjüginde 42 million molekula bar.
Barlag Helsinki uniwersitetiniň we Gündogar Finlýandiýa uniwersitetiniň alymlary tarapyndan 15 tälim berlen itiň gatnaşmagynda geçirildi.
Şeýle hem alymlar ys almakda az tejribesi bolan itleriň tejribelilerden has gowy netije görkezendiklerine göz ýetirdiler. Alymlar tejribeli itleriň ewkaliptiň ysyny öň alandyklaryny we ony seljermek üçin has ýokary konsentrasiýa talap edýändiklerini çaklaýarlar.
Barlagyň netijeleri “Animals” žurnalynda çap edildi.
