Awstraliýaly boksçy Tim Szýu amerikaly Wýorjil Ortis bilen titul söweşini geçirmekden ýüz öwürdi. Bu barada Boxing Scene habar berýär.
Bütindünýä boks assosiasiýasynyň (WBA) dünýä çempiony ady ugrundaky söweş 3-nji awgustda Los-Anjeles amerikan şäherinde geçmelidi.
29 ýaşly Szýu mart aýynyň ahyrynda amerikaly Sebastýan Fundora garşy söweşde alan şikesiniň uzaga çeken bejergisi sebäpli lukmanlaryň görkezmesi boýunça söweşmekden ýüz öwürmeli boldy.
Ýatlap geçsek, mart aýyndaky söweşde awstraliýaly boksçy ýeňlip, Bütindünýä boks guramasynyň (WBO) wersiýasy boýunça birinji orta agramda çempion guşagyndan mahrum boldy.
Tim Szýu professional ringde 24 ýeňiş gazandy (17-si nokaut arkaly), Fundora bilen söweşde bolsa ilkinji ýeňlişine sezewar boldy. Tim Szýu öňki absolýut dünýä çempiony Konstantin Szýunyň ogludyr.
