2024-nji ýylda Türkmenistanyň ýaşlarynyň arasynda ylmy işler boýunça geçirilen bäsleşigiň jemleri jemlenildi. Bu barada wise-premýer N.Amannepesow anna güni Hökümet mejlisinde habar berdi.
Ýurdumyzda her ýyl Ylymlar güni mynasybetli Türkmenistanyň Ylymlar akademiýasy we Magtymguly adyndaky Ýaşlar guramasynyň Merkezi Geňeşi tarapyndan ylmyň we tehnikanyň ileri tutulýan ugurlary boýunça Türkmenistanyň ýaşlarynyň arasynda ylmy işler boýunça däp bolan bäsleşik geçirilýär.
Şu ýyl bu abraýly ylmy bäsleşige ýaşlaryň 1670-si gatnaşyp, olaryň 107-si ýeňijiler diýlip yglan edildi. Şunuň bilen baglylykda, ýaş alymlara gymmat bahaly sowgatlary gowşurmak meýilleşdirilýär.
Serdar Berdimuhamedow «Pähim-paýhas ummany Magtymguly Pyragy» ýylynda Türkmenistanyň ýaşlarynyň arasynda 6 ugur boýunça ylmy bäsleşigiň geçirilmeginiň möhümdigini belläp, bu bäsleşigiň ýeňijilerini sylaglamak baradaky teklibi makullady.
