“Al-Nasryň” hüjümçisi Kriştianu Ronaldu saud Pro-Ligasynyň iň gowy bombardiri hökmünde “Altyn butsy” aldy. Bu barada klubuň metbugat gullugy X sosial ulgamynda habar berýär.
Ýatlap geçsek, portugaliýaly Saud Arabystanynyň çempionatynyň soňky möwsüminde iň gowy köp gol geçiren oýunçy boldy. 39 ýaşly Ronaldu üçin bu möwsüm täze ýurtda ilkinji doly derejeli möwsüm boldy, geçen möwsümiň bir bölegini ol “Mançester Ýunaýtediň” düzüminde geçiripdi.
Ronaldunyň hasabynda saud çempionatynyň häzirki ýaryşynda 35 gol bar. Ol geçiren gollarynyň sany boýunça liganyň rekord eýesi boldy. Şeýle-de, futbolçy 11 netijeli geçirim bilen tapawutlandy.
Belläp geçsek, 2023/2024-möwsüminiň saud Pro-Ligasynyň jemi boýunça, “Al-Hilýal” 96 utuk gazanyp, möhletinden ir çempion boldy. Ikinji orny 82 utuk bilen “Al-Nasr” eýeledi. Ýaryş jedwelinde iň gowularyň üçlügini 65 utuk bilen “Al-Ahli” jemledi.
