Ýaponiýanyň SLIM Aý moduly Aýda dördünji gijäni geçirip bilmän, işlemegini bes etdi. Bu barada Ýaponiýanyň aerokosmos agentligi (JAXA) X sosial ulgamynda habar berdi.
Aý gijesiniň pes temperatura şertlerinde işlemek üçin niýetlenmedik modul mundan öň üç Aý döwrüni geçirip, işe ukyplylygyny saklamagy başardy. Şol döwürler Aýyň üstüniň temperaturasy -170 gradusa çenli peselýär. Ýöne 27-nji maýda, haçan-da enjam aragatnaşyga çykmaly bolanda, bu başa barmady.
SLIM 2024-nji ýylyň ýanwar aýynda Aýa gondy, ýöne hereketlendirijiniň döwülmegi sebäpli şowsuz düşdi, bu hem onuň Gün energiýasy bilen işlemek wagtyny çäklendirdi.
Kynçylyklara garamazdan, modul özüniň esasy wezipesini ýerine ýetirdi – ýokary takyklyk bilen (maksatdan 55 metr uzaklykda) bellenilen sebitde gonuşy amala aşyrdy, bu bolsa tehnologiýanyň Aýyň günorta polýusynyň çäginde mundan beýläkki missiýalar üçin geljeginiň bardygyny görkezdi.
