Rimiň golaýyndaky Tiwolide geçirilen Villa d'Este 2024 atly nusgawy awtoulag sergisinde iki orunlyk BMW Skytop-yň tanyşdyrylyş dabarasy boldy diýip, IXBT habar berýär.
Retro-kabriolet brendiň Z8 we 503 ýaly nusgawy modellerinden ylham alýar.
Konsept-kar özünde häzirki zaman tehnologiýaly nusgawy dizaýny utgaşdyrýar. Awtoulagda elde aýryp bolýan gaty üçek we aşak düşürilýän yzky aýna bar.
Ýörite şu model üçin Dingolfing zawodynda topar tarapyndan döredilen Skytop goňur-gyzyl üçegi tutuksy-kümüş kuzow we “hrom kölegesi effekti” bilen sazlaşdyrýar.
Awtoulagyň kapotynyň aşagynda 616 at güýji kuwwaty we 750 Nm tork ösdürýän, goşa turbo güýçlendirijili 4,4 litrlik V8 hereketlendirijisi bar. Motoryň sekiz tizlikli awtomatiki geçiriş we M xDrive ähli tigri hereketli ulgam bilen jübütlenmegine garaşylýar.
BMW Skytop-y 2026-njy ýyla çenli 20-25 sany çäkli neşirde çykarmagy meýilleşdirýär. BMW-niň Group dizaýn bölüminiň başlygy Adrian wan Hoýdonk önümçilige goýbermek baradaky kararyň potensial alyjylaryň reaksiýasyna esaslanyp kabul ediljekdigini aýtdy.
Kabrioletiň bahasy şuňa meňzeş “içi” bolan M8 Competition-iň bahasyndan ep-esli ýokary bolar.
