1-nji iýuldan Bentley kompaniýasyna Frank-Şteffen Wallizer ýolbaşçylyk eder. Ol bu kompaniýa awtoulaglaryň ösüşi boýunça ýokary wezipelerde 30 ýyl töweregi işlän ýeri bolan Porsche-den geçer diýip, auto.ru ýazýar.
Wallizer karýerasyna 1995-nji ýylda Waýssah gözleg merkezinde içinden ýandyrylýan hereketlendirijileri taslamalaşdyrmak boýunça inženerçilik tejribesi bilen başlady. Ol karýera basgançagyndan tizlik bilen ýokary galdy we 2003-nji ýylda strategiki motorsport ösüşiniň başlygy boldy. Iň meşhur taslamalarynyň biri 918 Spyder boldy.
2019-njy ýyldan başlap, Wallizer 911 we 718 önüm liniýalaryna ýolbaşçylyk etdi we 2022-nji ýyldan başlap bolsa Porsche awtoulaglarynyň umumy ösüşine ýolbaşçylyk etdi.
Bentley-iň ozalky başlygy Adrian Hollmark şu ýylyň mart aýynda Aston Martin-iň baş müdiri wezipesini ýerine ýetirmek üçin kompaniýany terk etdi.
Bentley öz hatarynda uly özgerişligi geçirmegiň bosagasynda. Iňlisler eýýäm flagman W12-den ýüz öwürdiler we V8 benzinli awtoulag öndürmegi bes etmegi meýilleşdirýärler. Olaryň ornuny täze nesil Continental GT kupeli çykjak iň soňky gibrid gurnama tutar. Onuň ilkinji görkezilişini iýun aýynda geçirmek meýilleşdirildi, ýöne bu kompaniýanyň doly işleýän müdiriniň ýok mahalynda geçer.
