Türkmenistanly türgenler Estoniýanyň paýtagtynda geçirilen ITF taekwondonyň olimpiýa däl görnüşi boýunça «Balt Cup-2024» halkara ýaryşynda 20 altyn, 7 kümüş we 10 bürünç medal gazandylar. Bu barada "Türkmenistan: Altyn asyr" neşiri habar berýär.
Ýaryşa 8 ýurtdan 500 töweregi taekwondoçylar gatnaşyp, dürli derejelerinde baýraklar ugrunda bäsleşdiler.
Türkmenistanyň toparyndan ýaryşa 25 türgen gatnaşdy, olar bäsleşikleriň ähli görnüşleri boýunça jemi 37 medal – şol bir ýaryşda geçen ýyl bilen deňeşdirilende 8 medal köp gazandylar.
Bu üstünlik türkmenistanly ITF taekwondo ussatlarynyň şu ýyl halkara ýaryşlarynda gazanan ilkinji üstünligi däl. Iki aý mundan öň Kuala-Lumpurda (Malaýziýa) geçirilen halkara ýaryşda olar 34 – 19 altyn, 9 kümüş we 6 bürünç medal eýelediler.
