"Xiaomi” kompaniýasy çagalara niýetlenen Mitu Children's Watch S1 atly täze "akylly" sagat hödürledi. Enjamda goşa kamera (öňdäki 5 MP we esasy 8 MP) bar, bu bolsa çagany we onuň daş-töweregini görmek mümkinçilikli wideo jaň etmäge mümkinçilik berýär diýip, IXBT ýazýar.
Mitu S1-iň 448 x 368 piksel durulykda 1,78 dýuým LCD ekrany, 1 GB RAM-y we 8 GB içerki fleş ýady bar. Sagat emeli hemranyň ýerleşişiniň bäş ulgamyny goldaýar: GPS, Beidou, GLONASS, GALILEO we QZSS, bu ene-atalara çaganyň ýerleşýän ýerini yzarlamaga mümkinçilik berýär. Hossarlary soňky 90 günde çaganyň nirelerde bolandygyny görüp bilerler.
Enjam şeýle hem SOS gyssagly kömek we zolaga giriş/çykyş habarnamalary ýaly, howpsuzlyk aýratynlyklaryny öz içine alýar. Ýagny ene-atalar çagasy öý, mekdep ýaly kesgitli ýerlerden çyksa ýa-da howply ýerlere girse, duýduryş alarlar.
Sagat traýektoriýa gyşarmasy ýaly ýagdaýlary hem kesgitläp biler.
Mitu S1-iň suw geçirmeýän korpusy bar we 100-den gowrak sport režimini hödürleýär. Şeýle hem sagat beýniniň ýadawlygynyň derejesini, gözüň ýadawlygyny, stresi, duýgulary, ýürek urmasyny we ganda kislorodyň derejesini yzarlamak bilen, saglyga gözegçilik etmegiň aýratynlyklary bilen enjamlaşdyrylan.
6 minut berlen zarýad enjama tutuş günüň dowamynda işlemäge mümkinçilik berýär.
Xiaomi Mitu Children's Watch S1 31-nji maýda Hytaýda 165 dollardan satylyp başlar.
