Türkmenistanyň raýatynyň pasportyny resmileşdirmegiň tertibi hakynda Gözükdiriji tassyklanyldy

  • 29.05.2024 16:01
  • 48k+

Türkmenistanyň raýatynyň pasportyny resmileşdirmegiň we bermegiň tertibini, ondan peýdalanmagyň kadalaryny ulanmak boýunça Gözükdiriji tassyklanyldy. Degişli resminama Türkmenistanyň içeri işler ministriniň Buýrugy bilen tassyklanyldy we Türkmenistanyň Adalat ministrligi tarapyndan 23-nji maýda döwlet belligine alyndy.

Gözükdiriji Türkmenistanyň raýatynyň pasportyny resmileşdirmek, bermek, çalşyrmak, gaýtadan bermek, pasporta onuň eýesiniň ýaşyna laýyk gelýän suratyny geçirmek hem-de ondan peýdalanmak bilen bagly gatnaşyklary düzgünleşdirýär.
Pasport birlikleriniň işini guramak we oňa ýolbaşçylyk etmek Türkmenistanyň Içeri işler ministrliginiň Ilaty pasportlaşdyrmak we hasaba almak müdirligi, welaýatlarda, Aşgabat we Arkadag şäherlerinde bolsa, degişli Polisiýa müdirlikleriniň Ilaty pasportlaşdyrmak we hasaba almak bölümleri tarapyndan amala aşyrylýar.
Gözükdirijide pasporta Türkmenistanyň raýatynyň şahsyýeti barada onuň dogluş hakynda şahadatnamasyna laýyklykda girizilmeli maglumatlar getirilýär.
Şeýle hem Gözükdirijide pasporta haýsy ýazgylaryň ýazylýandygy bellenilýär.
Bulardan başga-da, Gözükdirijide şular barada maglumat berilýär:

  • Pasporty resmileşdirmegiň we bermegiň tertibi;
  • Pasporty çalşyrmagyň, gaýtadan bermegiň we pasporta onuň eýesiniň ýaşyna laýyk gelýän suratyny geçirmegiň tertibi;
  • Pasportda raýatyň ýaşaýan ýeri boýunça ýazga alnandygy we (ýa-da) ýazgydan çykarylandygy hakynda bellik etmegiň tertibi;
  • Pasportdan peýdalanmagyň kadalary;
  • Pasportyň eýesinden wagtlaýyn alynmagy we yzyna gaýtarylyp berilmegi.

Gözükdirijiniň doly tekstini şu salgydan okap bilersiňiz.


şu gün 16:22
1.8k+

Merkezi Aziýa döwletleriniň ilçileri Türkmenistanyň Yslamabatdaky ilçihanasynda teglek stol geçirdiler

26-njy awgustda Türkmenistanyň Pakistan Yslam Respublikasyndaky (Yslamabat şäheri) ilçihanasynda BMG-niň Deňze çykalgasy bolmadyk ösüp barýan döwletler boýunça üçünji maslahatynyň netijelerine bagyşlanan tegelek stol maslahaty geçirildi...

şu gün 16:18
1.5k+

Türkmenistanyň ilçisiniň Irlandiýa iş saparyny amala aşyrdy

25-nji awgustda Türkmenistanyň Irlandiýadaky ilçisi Ýa.Serýaýew (oturýan ýeri London ş.) Dublin şäherine iş saparyny amala aşyrdy. Bu barada Türkmenistanyň DIM-niň saýtynda habar berilýär. Saparyň dowamynda ilçi Irlandiýanyň Daşary işler we söwda ministrliginiň Protokol bölüminiň başlygynyň orunbasary Ralf Wiktor bilen duşuşdy we ynanç hatynyň nusgalaryny gowşurdy...

şu gün 15:41
3.8k+

Moskwada Raşid Meredowyň we Sergeý Lawrowyň duşuşygy geçirildi

28-nji awgustda Moskwada Türkmenistanyň daşary işler ministri Raşid Meredow bilen Russiýa Federasiýasynyň daşary işler ministri Sergeý Lawrowyň arasynda duşuşyk geçirildi. Daşary syýasat edaralarynyň ýolbaşçylary çuňňur strategik hyzmatdaşlygyň ýörelgelerine esaslanýan döwletara dialogyň netijeli häsiýetini kanagatlanma bilen bellediler...

düýn 17:40
9.6k+

Aşgabatda Ankara köçesiniň durkuny täzelemek boýunça tender yglan edildi

Türkmenistanyň Gurluşyk we binagärlik ministrligi Aşgabatda Ankara köçesiniň durkuny täzelemek boýunça halkara bäsleşik yglan etdi. Bu barada «Türkmenistan» gazetinde habar berilýär. Gyzyklanma bildirýän kompaniýalaryň we guramalaryň teklipleri bellenilen tertipde kabul edilýär...