TechInsights-yň berýän maglumatlaryna görä, eplenýän smartfon bazary çalt ösüşi başdan geçirýär, Huawei birinji çärýegiň netijeleri boýunça täze lider bolmak bilen, barha öňe dyzaýar. Seljerijiler Huawei-iň eplenýän flagmanlarynyň satuwynyň 257% ýokarlandygyny bellediler. Hytaý kompaniýasy ozal bazarda agdyklyk eden Samsung-dan öňe geçdi diýip, IXBT-iň habar berýär.
Sanawda Honor üçünji orny eýeleýär. Iň täsir galdyryjy ösüşi Motorola - 1260% görkezýär.
Huawei-niň «kitapçalar» segmentinde öňdebaryjydygyny, haýal hereket edýändigine garamazdan, Samsung-yň “ýygnama ýatalgalaryň” şasy bolmagynda galýandygyny bellemelidiris. Ozal eplenýän smartfonlar bahasy arzandygy sebäpli has meşhurdy, häzir bolsa “kitapçalar” satuwda olardan, esasanam, Hytaýda öňe geçýär. ABŞ-da, Ýewropada, Günorta Amerikada we Afrikada eplenýän smartfonlar henizem öňde barýar.
Umuman aýdylanda, eplenýän enjamlar bazary täsirli ösüşi görkezýär: Honor satuwyny 480%, Vivo 331% ýokarlandyrdy, ýöne Samsung welin bary-ýogy 25% ösüş görkezdi. Şol bir wagtyň özünde Oppo-nyň satuwy 70% pese gaçdy.
