Sony 2030-njy ýyllarda güýmenjeler pudagyny göz öňüne getirşi baradaky pikirini paýlaşýan Creative Entertainment Vision wideosyny neşir etdi diýip, “Çempionat” portaly habar berýär.
Kompaniýanyň çaklamalaryna görä, garyşyk hakykat enjamlary ulanyjylara wirtual giňişlikde dostlary bilen duşuşmaga, gurlan ekranly dolandyryjylar arkaly oýun oýnamaga we hatda Sony Pictures filmleriniň, mysal üçin “Arwah awçylary” filminiň dünýäsine “çümmäge” mümkinçilik berer.
Sony-niň pikiriçe, garyşyk hakykat tehnologiýalarynyň ösüşi döredijilik üçin täze mümkinçilikleri açar.
Meta älemleriň we wirtual hakykat gulaklyklarynyň häzirki wagtda beýle bir meşhur däldigini bellemelidiris.
