“Dakar” rallisinde yzly-yzyna gazanan 10-njy ýeňşiniň hormatyna Toyota Birleşen Arap Emirliklerinde Land Cruiser 300 – 10th Victory Edition-iň täze çäkli görnüşini hödürledi diýip, Carscoops ýazýar.
Awtoulag ýörişe gatnaşýanlaryň neslindendigini nygtaýan aýratyn dizaýny aldy. Korpusy ak reňke boýalan, ýöne radiator gözenegi, 18 dýuýmlyk teker diskalary we başga-da birnäçe elementleri gara reňkde. Şeýle hem, korpusynda Land Cruiser-iň awtoulag sportunda gazanan ýeňişlerini ýatladýan nakleýkalary bar.
Dakarda ýeňiji bolan Land Cruiser GR Sport-dan tapawutlylykda, 10th Victory Edition neşiri 415 at güýjüni ösdürýän 3,5 litrlik turbo V6 hereketlendirijisi bilen enjamlaşdyrylandyr. Kuwwat 10 tizlikli awtomatiki geçiriş we ähli tigri hereketli edýän ulgam arkaly dört tigriň hemmesine geçirilýär.
Land Cruiser 10th Victory Edition-iň salony adaty modeliňki ýaly, üýtgewsiz galýar: 9 dýuým ekranly media ulgamy, üç zolakly howa gözegçiligi, deri rul we ş.m..
BAE-de Land Cruiser 10th Victory Edition-iň bahasy 319 900 dirhem (87 095 dollar). Bu Black Edition komplektasiýasynyň bahasy bilen deňeçer we şol bir bazarda 412 900 dirhem (112 415 dollar) bahasy bolan Land Cruiser GR Sport-dan arzan.
Toyota-nyň umumy hasapda däl-de, seriýalaýyn çykýan awtoulaglar kategoriýasynda yzly-yzyna 10 ýeňiş gazanandygyny bellemelidiris.
