Ýaponiýa öňdebaryjy gün tehnologiýalaryny giňden ornaşdyrmak üçin möhüm ädim ädýär. Toshiba, Sekisui Chemical we Panasonic ýaly ýurduň iň uly kompaniýalary döwlet edaralary bilen hyzmatdaşlykda köpçülikleýin önümçilige, çeýe gün panellerini öňe sürmeklige we ulanmaga gönükdirilen konsorsium döredýärler.
TASS-yň habar bermegine görä, innowasiýa önümi perowskit diýlip atlandyrylýan, geljegi uly mineraldan öndüriler.
Täze birleşige hususy we döwlet pudaklaryndan, takmynan, 150 agzanyň girmegine garaşylýar. Olaryň arasynda Ykdysadyýet, söwda we senagat ministrligi, Panasonic Holdings, Aisin, Kaneka, şeýle hem Ýaponiýanyň esasy demirýol operatory bolan Japan Railways bar.
Adaty fotoelektrik modullaryndan birnäçe artykmaçlygy bolan perowskit panelleriniň ulanylmagy 2040-njy ýyla çenli ýurduň täzelenen energiýa üpjünçiligi strategiýasynyň esasy bölekleriniň birine öwrüler.
Çeýe perowskit gün panelleriniň esasy artykmaçlygy olary gaty modullary ulanmak maksada laýyk däl ýa-da mümkin bolmadyk ýerlerde, ýagny diwarlara we penjirelere gurnap bolýar. Mundan başga-da, onuň energiýa öwrülişiniň netijeliligi we çydamlylygy boýunça özüne meňzeşleriň aglabasyndan has ýokarydyr.
Kremniý gün paneli bazarynda Hytaýyň öňdebaryjy hasaplanýandygyny bellemelidiris, ol bu önümleriň global üpjünçilik zynjyrynyň 80% -den gowragyna gözegçilik edýär. Täze çözgüt, belki-de, Ýaponiýa ýagdaýy üýtgetmäge kömek edip biler.
