Täze nesil Toyota Land Cruiser Prado diýlip hem tanalýan, Toyota Land Cruiser 250 awtoulaglary resmi taýdan Gazagystanda satuwa çykaryldy.
Ýaponiýada şeýle awtoulagyň iň ýokary bahasy 7,850 000 ýena (takmynan 50.2 müň dollar).
Täze Land Cruiser Prado 281 at güýjüni öndürýän 2,4 litrlik hereketlendiriji, 8 basgançakly awtomatiki herekete geçiriji guty bilen enjamlaşdyrylandyr.
Gazagystanda awtoulaglaryň esasy wersiýasy 163 at güýjüni öndürýän ýönekeý 2,7 litrlik benzinli hereketlendiriji bilen enjamlaşdyrylandyr. Ol 6 basgançakly doly geçirişli “awtomat” bilen utgaşdyrylandyr. Şeýle awtoulagyň bahasy 31,5 million teňňe (71,3 müň dollar). Toplumda 9 dýuým ekranly, şemalladylýan we gyzdyrylýan öňdäki oturgyçlar we elektropriwodly goýulýan ýeri bolan media ulgam bar.
204 at güýjüni öndürýän 2,8 litrlik turbodizelli şuňa meňzeş awtoulag has gymmatdyr. Ýokary derejede enjamlaşdyrylan we tegelek faralar bilen üpjün edilen Fisrt Edition-yň bahasy 45 million teňňedir (101 müň dollar).
