Toyota 36 990 ýewro (43,2 müň dollar) baha bilen 2025-nji ýylyň täzelenen Corolla Cross krossoweri üçin sargyt kabul edip başlady. Awtomobil üýtgedilen daşky görnüşe, kämilleşdirilen salona we täze GR Sport wersiýasyna eýe boldy.
Daşyndan öňdäki bamper we radiator gözenegi, yzky çyralar we logotip üýtgedildi. Salonda merkezi konsol täzelendi, süýşýän tirseklik goşuldy we smartfonlar üçin aýratyn ýer peýda boldy.
Adaty Comfort üpjünçiligine 12,3 dýuýmlyk sanly enjam paneli, 10,5 dýuým ekranly multimediýa ulgamy, iki zolakda klimat-gözegçilik, kamera, oturgyçlary gyzdyrmak ulgamy we howpsuzlyk ulgamlarynyň toplumy girýär.
Model 140 a.g. kuwwatly 1,8 litrlik hereketlendirijiniň we 180 a.g. kuwwatly 2,0 litrlik hereketlendirijiniň esasynda gibrid enjamlar bilen hödürlenýär. Öňdäki ýa-da yzky herekete getiriji, şol sanda Snow Extra režimi bilen elýeterli.
GR Sport wersiýasynyň bahasy 43 490 ýewro (50,8 müň dollar) barabar. Ol peseldilen asgyç (podweska), rul dolandyryşynyň üýtgedilen sazlamalary, 19 dýuýmlyk tigir diskleri we GR logotipli salon bezegi bilen tapawutlanýar.
