Rockstar Games-iň eýesi, Take-Two neşirýaty özüniň çärýek boýunça hasabatynda Grand Theft Auto 6-nyň çykjak senesini takyk - 2025-nji ýylyň güýzünde çykjakdygyny yglan etdi. Ondan öň 2025-nji ýylda çykaryljakdygy habar berlipdi, köpler bolsa onuň ýylyň başynda çykarylmagyna umyt baglaýardylar diýip, “Çempionat” portaly ýazýar.
Altynjy bölüm çykanda GTA 5 12 ýyllygyny bellär - ondan öňki 2013-nji ýylyň sentýabr aýynda PS3-de we Xbox 360-da çykaryldy, soňra ol PS4-e we Xbox One-e (2014) portirlendi, soňra bolsa PK-a (2015) we ahyrynda PS5-e we Xbox Series-e (2022) iberildi. Bäşinji bölümiň satuwy indi 200 million nusgadan geçdi.
Rockstar GTA 5–den soň diňe bir täze oýny - Red Dead Redemption 2-ni çykarmagy başardy. Western 2018-nji ýylda çykdy we onuň häzirki wagtda satuwy 64 million nusgadan geçdi, ýöne ol hiç haçan PS5-e we Xbox Series-e portirlenmedi.
