Argentinanyň meşhur futbolçysy Diego Maradonanyň gyzlary onuň 1986-njy ýyldaky dünýä çempionatynda ýeňiji bolanda alan “Altyn topuny” Pariždäki auksiondan aýyrmaklaryny talap edýär diýip, Associated Press habar berýär.
Oýunçynyň mirasdüşerleri bu sylagyň onlarça ýyl ozal Neapoldaky bankdan ogurlanandygyny tassyklaýarlar. Birnäçe ýyldan bäri ol ýitirilen hasaplanyp gelýärdi.
Futbolçynyň gyzlary baýragy yzyna almak üçin kazyýete ýüz tutmakçy bolýarlar.
“Altyn topuň” Aguttes auksion öýüne çykarylandygyny ýatladýarys, lotuň başlangyç bahasy aýan edilmedi.
Maradona 2020-nji ýylda 60 ýaşynyň içinde aradan çykdy.
