Parižde fransiýaly futbolçy Kilian Mbappeniň mumdan ýasalan heýkeliniň tanyşdyrylyşy geçirildi. Çärä Fransiýanyň milli ýygyndysynyň hüjümçisiniň özi-de maşgalasy bilen bilelikde gatnaşdy diýip, Sports.ru habar berýär.
Milli ýygyndynyň formasy geýdirilen Mbappeniň heýkeli hanym Týusso muzeýiniň Berlindäki şahamçasynyň eksponaty bolar.
Futbolçy öz mumdan ekiztaýyny göreninde: “Ol maňa däl-de, Kiliana has meňzeýär!” – diýip, degişdi.
Mbappeniň heýkelini döretmek üçin heýkeltaraşlar oýunçynyň daşky keşbini, ýüzüniň hem bedeniniň gurluşyny dört sagatlap surata düşürdiler. Has realistik obrazy döretmek üçin ussatlar türgeniň ýüzüniň we bedeniniň gurluşyny öwrendiler.
Ýakyn wagtda Kilian Mbappeniň mumdan heýkeli Berline äkidiler we ol ýerde beýleki ýyldyzlaryň arasynda öz ornuny eýelär.
