Türkmenistanda Döwlet ýer kadastryny sanly ulgamyň kömegi bilen alyp barmak boýunça degişli çäreler görülýär. Munuň özi ýer serişdeleriniň rejeli we netijeli peýdalanylyşyna, şeýle hem oba hojalyk ekinleriniň ekilýän meýdanlaryna gözegçilik etmäge mümkinçilik berýär.
Bu işleriň alnyp barlyşy barada wise-premýer T.Atahallyýew 17-nji maýda Hökümet mejlisinde hasabat berdi.
Bellenilişi ýaly, Döwlet ýer kadastrynyň maglumatlar binýadyny alyp barmak boýunça ýörite programma üpjünçiligi taýýarlanyldy. Ýurdumyzda bugdaý ekilen meýdanlaryň möçberleri, olaryň ýerleşýän ýerleri hem-de kärendeçiler we peýdalanyjylar baradaky maglumatlar bu programma üpjünçiligine doly girizildi. Şol bir wagtyň özünde ýurdumyzyň ekerançylyk meýdanlarynda ekilýän gowaça, gök-bakja we beýleki oba hojalyk ekinleri baradaky degişli maglumatlary bu programma üpjünçiligine girizmek, şeýle hem ony has-da kämilleşdirmek boýunça degişli işler alnyp barylýar.
Serdar Berdimuhamedow ýurdumyzda ýer serişdelerini netijeli peýdalanmak maksady bilen, Döwlet ýer kadastryny sanly ulgamyň kömegi bilen alyp barmak boýunça işleri dowam etmegi tabşyrdy.
