“France Football” žurnaly Ispaniýanyň “Barselonasynyň” hüjümçisi Robert Lewandowskä 2020-nji ýyldaky “Altyn top” baýragyny bermegi göz öňünde tutýar. Bu barada Diario Sport habar berýär diýip, RIA Nowosti ýazýar.
2019/20-möwsüminde Lewandowskiý 47 oýunda 55 gol geçirip, Çempionlar ligasynda, Klublaýyn dünýä çempionatynda, UEFA-nyň Super kubogynda, şeýle-de Germaniýanyň çempionatynda, Kubogynda we Super kubogynda ýeňiji boldy. Ol 2020-nji ýylda baýrak üçin esasy dalaşgärleriň biridi, ýöne şol ýyl baýragyň gowşurylyş dabarasy koronawirus pandemiýasy sebäpli geçirilmedi.
Çeşmäniň maglumatlaryna görä, “France Football” öz abraýyny ýokarlandyrmak üçin bu baýragy Lewandowskä bermek mümkinçiligini öwrenýär.
2021-nji ýylda “Altyn topy” şol wagt “PSŽ-niň” hüjümçisi bolan Lionel Messi aldy.
