Häzirki möwsümde Kataloniýanyň “Barselonasynyň” şowsuz çykyşy kluba ep-esli serişde tygşytlamaga mümkinçilik berdi diýip, AS neşiri habar berýär.
Maglumatlara görä, klub Ispaniýanyň çempionatyndaky, Ispaniýanyň Kubogyndaky we Çempionlar ligasyndaky ýeňlişleriniň netijesinde öz oýunçylaryna şertnamalarynda bonuslar hökmünde görkezilen, takmynan, 40 mln ýewrony tölemedi.
Şeýlelikde, La Ligadaky çempionlyk üçin her oýunça goşmaça 750 müň ýewro göz öňünde tutulýar, Çempionlar ligasyndaky ýeňiş üçin baýrak bolsa bir million ýewro barabar. Ispaniýanyň Kubogynda aýratyn sistema hereket edýär: munda bonuslar klub ýene bir ýaryşda ýeňiş gazanyp bilen ýagdaýynda berilýär. Bu şert ýerine ýetirilen halatynda futbolçylar 250 müň ýewro gazanardylar.
Şol bir wagtyň özünde, Ispaniýanyň Super kubogyndaky şowly çykyş üçin bonuslar aýratynlykda maslahatlaşylýar, sebäbi olar zähmet şertnamalaryna goşulmaýar.
Bellenilişi ýaly, 2022/23-möwsüminde katalon toparynyň ýolbaşçylygy oýunçylara milli çempionatdaky ýeňiş üçin, takmynan, 20 mln ýewro töledi.
