21-nji iýulda Arlingtondaky AT&T stadionynda (Tehas ştaty, ABŞ) boks boýunça super agyr agram derejesinde dünýäniň öňki absolýut çempiony Maýk Taýson bilen belli amerikan wideoblogeri Jeýk Poluň arasynda boks duşuşygy geçiriler. Boksçylar tutluşykdan öňki bakyşlaryň duelini geçirdiler.
57 ýaşly Taýson üçin bu söweş 2005-nji ýyldan bäri ilkinji resmi duşuşyk bolar. Şol gezek ol Kewin Makbraýddan utulypdy. Soňky gezek ol ringe 2020-nji ýylyň noýabrynda Roý Jons-kiçä garşy görkezme söweşine çykypdy. Söweş deňme-deňlikde tamamlandy.
27 ýaşly Poluň hasabynda professional boksda dokuz ýeňiş (altysy nokaut bilen) we bir ýeňliş bar. 2024-nji ýylyň 3-nji martynda ol birinji raundda nokaut bilen Raýan Burlanddan üstün çykdy.
