2024-nji ýylyň birinji çärýeginde “Formula-1-iň” girdejisi, takmynan, 553 mln dollara barabar boldy we bu geçen ýylky görkezijiden 45% ýokarydyr diýip, RaceFans habar berýär. Muny championat.com ýetirýär. Şeýlelikde, toparlar üçin umumy tölegler hem 45%, 130 mln dollardan 163 mln dollara çenli ýokarlandy.
Girdejileriň artmagynyň esasy sebäbi “Formula-1-iň” şu möwsümde geçen möwsümdäkiden bir ýaryş artyk geçirmegi bilen baglanyşyklydyr. Çempionat mart aýynda däl-de, fewral aýynda başlady. Şeýle-de, “Formula-1-iň” girdejisi mediakompaniýalar bilen ýaryşlary görkezmek barada täze şertnamalaryň baglaşylmagy esasynda artdy.
Çempionatyň operasion girdejisi 94 mln dollar boldy, bu 2023-nji ýyldakydan 15 mln dollar köpdür. Beýleki işlerden gazanylan girdeji 66 mln dollardan 95 mln dollara çenli artdy we bu, esasan, täze “Formula-2” bolidiniň satuwy bilen baglanyşyklydyr.
