Gresiýanyň "Olimpiakos" kluby Konferensiýalar ligasynyň ýarym finalynyň jogap duşuşygynda iňlisleriň "Aston Willa" klubuny 2:0 hasabynda utdy we ýaryşyň finalyna çykdy.
Duşuşykda gollary Aýub El-Kaabi geçirdi (10, 79-njy minutlar).
Toparlaryň arasynda birinji oýun Birmingemde geçirilip, "Olimpiakosyň"peýdasyna 4:2 tamamlandy. Belläp geçsek, şol duşuşykda El-Kaabi het-trik etdi. Marokkoly hüjümçi 2023/2024 möwsümde Konferensiýalar ligasynyň golçularynyň sanawynda 8 oýunda 10 goly bilen öňdeligi eýeleýär.
Finalda "Olimpiakos" "Brýuggeni" geçen "Fiorentina" bilen duşuşar.
Final duşuşygy 30-njy maýa geçilýän gije (Aşg. wagty bilen) Gresiýada Afinada "Aýa-Sofiýa" stadionynda geçiriler.
