Robusta kofesiniň bahasy ýetmezçilik sebäpli soňky 45 ýylda iň ýokary derejesine ýetdi. Bu Halkara kofe guramasynyň (ICO) hasabatyndan gelip çykýar diýip, RBK ýazýar.
ICO tarapyndan esasy bazarlardaky bahalaryň jeminden hasaplanýan lomaý baha görkezijisi aprel aýynda 16,8%, bir funt üçin 1,9365 dollara (bir kg üçin 4,27 dollara) çenli ýokarlanyp, 1979-njy ýyldan bäri iň ýokary görkeziji boldy.
Guramanyň hasabatynda robusta kofesini iň uly öndüriji bolan Wýetnamyň geçen we häzirki möwsümlerde hasylsyzlykdan soň kynçylyklara sezewar bolýandygy aýdylýar.
Bloomberg agentliginiň belleýşi ýaly, bu meseleler Wýetnamyň oba hojalyk sebitlerinde gurakçylyk we yssy howa sebäpli has güýçlenip biler. Sebitde suwaryş üçin suw ätiýaçlyklary azalýar. Wýetnamyň paýyna bolsa ereýän içgileri we espresso kofesini taýýarlamak üçin ulanylýan robusta däneleriniň global üpjünçiliginiň, takmynan, üçden biri düşýär.
