2024-nji ýylyň maý aýynda Huawei öz prosessoryna esaslanýan ilkinji stol kompýuterini hödürlär. Bu barada ixbt.com habar berýär.
Qingyun W515x adyny alan täze önüm taryhda bir kristally Kirin 9000C sistemasynyň esasyndaky ilkinji personal kompýuter bolar. Munuň heniz nähili çipsetdigi belli däl. Ýöne adyndan çen tutsaň, ol Huawei Mate 60-da ulanylýan Kirin 9000S SoC-yň bir görnüşi bolmaly. Häzirlikçe diňe sistemanyň CPU-nyň 8 ýadroly boljakdygy we 12 akymy ýerine ýetirip biljekdigi habar berilýär.
Huawei Qingyun W515x LPDDR5 ýadyny we SSD-ni göterer. Şeýle-de, Wi-Fi 6 we TPM goldawy bolar. Sargyt edijilere saýlamak üçin KOS we UOS operasion sistemalary hödürlener, ýagny HarmonyOS bolmaz.
Ýatlap geçsek, Huawei Qingyun brendini geçen ýylyň mart aýynda işe girizdi, bu haryt nyşany bilen noutbuklar, stol PK, planşetler we beýleki tehnika çykarylýar. Eger stol PK barada gürrüň etsek, häzire çenli seriýada diňe iki model bar – Qingyun B730 we Qingyun B530. Olaryň ikisinde-de 12-nji nesil Intel Core prosessorlary we Windows 11 OS ulanylýar.