HBS: “Liwerpul” täze tälimçini bellemäge ýakyn

  • 30.04.2024 18:53
  • 10k+

Angliýanyň “Liwerpul” futbol kluby täze baş tälimçini bellemäge ýakyn. Insaýder Fabrisio Romanonyň maglumatlaryna görä, ol häzirki wagtda “Feýenoord” toparyna ýolbaşçylyk edýän 45 ýaşly niderlandiýaly hünärmen Arne Slot bolar diýip, “Çempionat” ýazýar.

Slotyň bellenilendigi barada resmi bildirişiň şu hepde bolmagyna garaşylýar. Romanonyň maglumatlaryna görä, klublar eýýäm zerur resminamalara gol çekdiler. Slot taryhda iň gymmat niderlandiýaly tälimçi bolar. “Liwerpul” tälimçi üçin 13-15 mln ýewro möçberde kompensasiýa tölär.
“Liwerpulyň” häzirki baş tälimçisi Ýurgen Klopp möwsümiň ahyrynda klubdan gider.
Slot 2021-nji ýylyň tomsundan bäri “Feýenoordda” işläp, gowy netijeleri gazandy: ähli ýaryşlarda 145 oýunda 94 ýeňiş, 27 deňme-deňlik we 24 ýeňliş. Ujypsyz serişdeler bilen tälimçi “Feýenoordy” Konferensiýalar ligasynyň finalyna (2022) we Ýewropa ligasynyň dörtden bir finalyna (2023) çykardy.
Bilermenler Sloty Hosep Gwardiolanyň yzyna eýeriji hasaplaýarlar we Mikel Arteta hem Roberto De Dzerbi bilen deňeşdirýärler. Niderlandiýaly hünärmeniň “Feýenoord” bilen häzirki şertnamasy 2026-njy ýylyň tomsuna çenli niýetlenýär.


düýn 17:40
7k+

"Ahal" FK AFC-2 Çempionlar ligasynyň birinji tapgyrynda myhmançylykda 3 utuk gazandy

16-njy sentýabrda AFC-2 Çempionlar ligasynda «Ahal» futbol kluby myhmançylykda toparçalaýyn tapgyrdaky ilkinji duşuşygynda Hindistanyň «Mohun Bagan» toparyna garşy meýdança çykyp, bu topary 1:0 hasap bilen ýeňmegi başardy...

düýn 16:12
4.9k+

“Karabah” ÇL-de “Benfikany” utup, ony tälimçisiz galdyrdy: günüň netijeleri

16-njy sentýabrda 2025/2026 möwsüminiň UEFA-nyň çempionlar ligasynyň umumy tapgyrynyň ilkinji oýunlary başlady. Oýun gününiň esasy täsirli wakasy Lissabondaky duşuşyk boldy, bu ýerde “Karabah” ýerli “Benfikany” 3:2 hasabynda utdy...

düýn 09:34
4.2k+

Louis Vuitton Madridiň “Realynyň” zenanlar topary üçin kolleksiýa döretdi

Louis Vuitton Madridiň “Realynyň” zenanlar toparynyň futbolçylary üçin kolleksiýa çykardy. Bu oýunlar üçin däl-de, meýdançadan daşary resmi çäreler üçin niýetlenen eşikdir diýip, Hypebae habar berýär. Kolleksiýa klassyk kostýumlar, aýakgap, dürli aksessuarlar we el goşy girdi...

16.09.2025 14:43
8.3k+

Kriştianu Ronaldu yzygider ikinji ýyl Saud Arabystanynda “Altyn butsy” aldy

“Al-Nasryň” portugaliýaly hüjümçisi Kriştianu Ronaldu geçen möwsümde Saud Arabystanynyň çempionatynyň iň gowy bombardiri hökmünde “Altyn butsy” baýragyny aldy. “Kriştianu Ronaldu, “Al-Nasryň” kapitany 2024/2025 möwsüminiň “Altyn butsy” baýragyny aldy – yzygider ikinji gezek...