BlitzWolf kompaniýasy täze ykjam we amatly BW-V8 proýektorly öý kinoteatry bilen muşdaklaryny begendirdi diýip, Mail.ru habar berýär.
BW-V8-iň ykjam ölçegleri (215 x 170 x 86 mm) bar we agramy bary-ýogy 1,24 kg bolup, göçme görnüşde ulanmaga amatly edýär.
Proýektoryň kontrastlygy 12000:1 we iň ýokary ýagtylygy 9800 lýumen 1920x1080 piksel durulykdaky şekilleri berýär. 1,5-den 5 metre çenli aralykdan diagonaly 50-den 200 dýuýma çenli proýeksiýa alyp bolýar.
BW-V8-iň içinde 4K film bilen işlemäge mümkinçilik berýän Allwinner H713 çipi bar we wideo üçin Mali-G31 grafiki çipi jogapkärdir. Proýektor Android 11 operasiýa ulgamynda işleýär, onda onlaýn akymlary ulanyp ýa-da internete girip bolýar.
Sesi oturdylan 5 Wt dinamik bilen üpjün edilýär we daşarky akustikany birikdirmek üçin 3,5 mm çykyş bar. Enjamlary birikdirmek üçin HDMI 1.4 we VGA birikdirijileri ulanylýar.
BlitzWolf BW-V8-iň bahasy 110 dollar we öňünden sargyt edip bolýar. Enjamlar 6-njy maýda satylyp başlar.
